根據衛生署資料顯示，係小朋友18個月大至2歲期間，如果有特定跡象，就可以開始戒尿片了！戒片除咗要小朋友準備好，媽媽準備好接受挑戰了嗎？
戒尿片dos
平日讓小朋友每天吸取充足嘅水分和纖維質，令排泄暢通。
將一個平穩、小朋友又鐘意嘅便盤放係固定及方便嘅地方，先讓佢嘗試坐係便盤上，等佢習慣一下。
(圖片來源：網上圖片）
同佢玩公仔去廁所嘅遊戲，講啲關於去廁所嘅故事。又可以讓小朋友跟隨家人一齊去廁所，給予機會佢去模仿。
訓練嘅時候讓小朋友穿著鬆身和較容易脫下嘅褲子，方便佢拉低褲子如廁。
根據小朋友嘅排泄規律嚟安排佢去廁所，之後慢慢調整到配合日常生活
(圖片來源：網上圖片）
多留意小朋友，覺察到佢有尿急或便急嘅跡象，就問佢係咪有如廁嘅需要，然後鼓勵佢脫下褲子坐係便盤上。
如果佢懂得係便盤裏大小便，就要讚賞佢和鼓勵佢。之後，你可以即時俾小獎勵佢，增加佢練習嘅意欲。
如果佢弄濕了褲子，便要平靜地同佢一齊清理，然後提醒佢去廁所應該要做嘅步驟。
戒尿片don'ts
戒片初期，小朋友未必知道急嘅感覺，因而唔知自己幾時需要去廁所。所以小朋友係尿濕後，父母不應責備。
(圖片來源：網上圖片）
不能過早或過遲。若太早訓練，小朋友會因能力未遂而產生挫敗感，會更恐懼戒片。相反，如太遲戒片，則會令小朋友誤以為自己仍然停留在穿尿片嘅階段，根深柢固嘅依賴會令日後的戒片過程難上加難。
(圖片來源：網上圖片）
戒片初期，父母可每隔3至4小時提醒小朋友戈廁所。如果小朋友唔願意或表示唔需要，父母千萬唔好強迫，否則會令小朋友產生排斥感。
Комментарии