2021年8月16日

3招解決孩子順手牽羊習慣

好多父母發現孩子出現順手牽羊嘅行為時，會用恐嚇嘅方式嚟嚇孩子，希望孩子唔好再出現類似嘅行徑。但其實咁樣做只係短期嘅成效，究竟點解決孩子順手牽羊習慣？

點解孩子會出現順手牽羊嘅行為？

對於3、4歲的幼兒嚟講，佢哋缺少物權意識。係呢個年紀嘅孩子心裏唔識分你和我之間嘅區別，見到新奇有趣嘅物品就以為邊個都可以攞走。

有啲孩子出現順手牽羊嘅行為，好可能係因為好鐘意某一個物品，但係家長冇滿足到小朋友嘅願望，所以有慾望和佔小便宜嘅想法。

有啲孩子之所以會順手牽羊，係因為佢哋模仿父母嘅行為。例如有些家長會係公司物品帶返屋企，就算一支筆。家長嘅行為做出錯誤嘅示範，導致佢哋覺得如果自己需要就可以攞其他人嘅野。

當家長發現孩子順手牽羊行為嘅時候，應該讓孩子知道偷和借係兩種唔同嘅野，引導孩子知道唔好隨意去攞其他人嘅野。等孩子了解到物權概念，佢哋先可以遵守人與人之間相處嘅規則，而且亦都可以識得保護自己嘅物品。

家長係糾正孩子順手牽羊行為嘅時候，需要注意唔好傷害到孩子嘅自尊心。家長係糾正孩子呢種不當行為時，應該以講解和確立規則為主，唔要用負面嘅情緒表達傷害孩子嘅自尊。

家長可以引導孩子同理心，等孩子意識到呢種行為不當之處。例如可以通過小遊戲嘅方式，或者係角色互換嘅方式等孩子想像一下，當佢哋鍾意嘅玩具唔見咗之後，自己會有幾難過。通過同理心嘅方式等孩子意識到順手牽羊係唔正確嘅行為，然後帶着孩子一齊去歸還對方嘅物品，並且進行誠懇嘅道歉。