大概7%的人有呢個問題，兒童期基本唔會有太大影響，多數到中年或比較肥胖先有症狀。3歲後係足部發展嘅關鍵，扁平足走慣咗，好可能會造成腳跟歪掉！
你嘅孩子有冇扁平足？
正常嘅足部結構包三個足弓：內縱足弓、外縱足弓和橫弓，和扁平足最有相關嘅就是內縱足弓。內縱足弓主要嘅作用是係行路時吸震。
一但內縱足弓塌陷，產生嘅足部變形就稱為扁平足，嚴重嘅扁平足甚至會伴隨跟骨外翻。 通常小朋友嘅足弓喺3歲前，外觀上係睇唔到，因為呢個時候小朋友嘅足部脂肪組織較多，填充係足弓處，直到3歲後脂肪組織比例減少，足弓先會外顯出嚟。
（圖片來源：網絡圖片）
【He She Kids】【TEST喇】吸塵機可以30日唔洗倒垃圾？
扁平足自我評估
家長可係屋企幫小朋友進行扁平足評估。首先，請準備一張白紙，係上面留下足印。評估嘅方式就係計算足印中間部份嘅寬度，除以腳後跟足印嘅寬度嘅比值。比值愈大，足就愈平；相反，比值愈小，足弓便愈高。由 0.3：1（高足弓）至 1.4：1（扁平足）都屬於正常比值，高於或低於者都要注意。
（圖片來源：網絡圖片）
扁平足嘅長遠影響
隨著孩子長大，孩子的體重和活動量增加，足弓嘅負荷越來越重，易導致唔同嘅足部問題：足弓痛及足底筋膜炎，舟骨突出，姆指外翻，蹠痛(腳前掌疼痛)，足部及小腿肌肉勞損/扁平足仲會影響其他身體部位：膝痛，形成假性長短腳，令骨盆傾斜，影響脊椎，出現脊椎側彎。
此外，扁平足都會影響小孩嘅運動表現，如容易扭傷及絆倒，行路或跑步時耐力較同輩差，因而有可能產生負面感覺，影響心智及情緒。
（圖片來源：網絡圖片）
預防扁平足方法
- 避免站立太久或行路時間太長，令足部過勞 - 多做腳部運動，鍛鍊腳部嘅肌肉、筋腱及韌帶，亦可練習彈跳性嘅運動，如籃球、跳繩等，或用腳尖站立嘅運動 - 唔好太早學行路，以免令小孩用未成熟嘅雙腳來支撐身體，影響未發育嘅足弓 - 鞋旁邊嘅物料唔好太硬，後跟部分則用硬嘅物料承托腳踝，穩定腳跟 - 選擇適當嘅步行鞋及運動鞋，必需呎碼及腳型恰當，唔好著太大太細嘅鞋 - 用合適矯形鞋墊須承托足弓，固定足弓形狀
Comments