疫情期間冇得同小朋友一齊去旅行，不過父母可以同孩子一齊露營，感受香港另外一種美，享愛親子時間與樂趣。究竟體驗野外露營對於孩子嘅成長，有咩幫助與好處？
1.親近大自然
平時生活係都市嘅空氣較差，係假日家長可以帶小朋友去露營，一家人親近大自然。露營可以呼吸新鮮空氣，同時讓孩子感受生命，重新領悟大自然，可以同小朋友一齊係露營時多睇、多聽、多接觸，充分滿足好奇心與主動探索嘅樂趣。
2.遠離手機
唔少小朋友成日接觸3C產品，透過網絡去認識外面嘅世界。家長可以帶小朋友一齊去露營，一齊走到真正嘅大自然裡，從中體驗生活。等小朋友可以認識大自然，當然都可以轉移孩子對電子產品嘅依賴性。
3.營造親子時光
露營前，家長可以同小朋友一齊準備露營所需嘅物品，可以同小朋友一齊去買露營裝備、然後一齊搭帳篷、野外煮食，營造美好嘅親子時光。過程中可以培養孩子和家人嘅合作與溝通能力，家人之間嘅感情會更親密。係露營時家長可以把握機會同小朋友談心，進入孩子嘅內心世界，消除彼此嘅隔閡。
4.提高動手能力
同小朋友一齊露營可以一齊研究點樣搭起帳篷，訓練佢哋動手及動腦。或者可以讓孩子自己嘗試準備野餐嘅嘢食，同父母感受烹飪嘅樂趣。
5.盡情玩耍
愛玩係每個孩子嘅天性，家長呢個時候索性等佢哋係森林裡盡情玩耍，享受露營嘅樂趣。
Comments