依家網絡或者打機成癮既問題普及，唔同研究報告發現有成癮問題既人喺唔同年齡層都有，包括40歲以上既大人、青少年同只有3、4歲既小朋友。
一齊評估一下
要點知自己仔女有冇？可以參考美國精神醫學會出版既DSM-5入面Internet Gaming Disorder「電玩障礙」提到，患者持續而且反覆投入網路遊戲，喺過去12個月內出現以下9項入面最少5項或以上既徵狀：
（圖片來源：網上圖片）
1. 生活重心放左喺打機
2. 當停止或少左打機嘅時候，覺得煩躁、焦慮甚至悲傷。
3. 有必要花更多時間在遊戲上面得到滿足感或者快樂。
4. 多次努力想要控制打機，但唔成功。
5. 除左網上遊戲，對之前既興趣、消閒活動都冇興趣。
6. 即使知道打機令自己同其他人相處都出現問題，仍然繼續打機。
7. 同家人或者其他人講大話、隱瞞自己打機的情況。
8. 打機係想暫時逃避或抒發負面情緒。
9. 因為打機而危及或失去左重要既人際關係、升學或者對前途重要既機會。
點解上癮？
（圖片來源：網上圖片）
根據腦神經科學研究既大腦反應區塊同其他物質或者行為例如毒品、賭博成癮既人相似，大腦長期接觸手機、電腦持續而強烈刺激，因此改變了腦中的「迴路功能」，要一直受到刺激先可以滿足，否則就會出現憂鬱、社交障礙、學習表現退步既情況。
影響
1. 大腦
根據美國國家衛生研究院既研究顯示，9到10歲的兒童，每日用超過7個鐘電子產品，大腦皮質有過早變薄既跡象。3歲以下既BB大腦皮質本身比較薄，但腦部組織吸收力較強的腦部組織，所以比成人仲更加容易殘留電磁波。
2. 身體活動
細過3歲既BB，正值身體發展既關鍵期，應該每日活動，身體既發展會係出生時既2倍，同埋發展神經性和大腦各個部位不停。
（圖片來源：網上圖片）
如果比佢地成日玩手機，咁樣就少左走動，仲會影響視力同睡眠。因為藍光系統就會令褪黑激素下降令人忘記疲累、休息，而太早用手機和平板、電視等，對視力都有一定程度既損傷。
3. 認知發展的影響
當你想上網搜尋，忽然見到篇新聞，或者朋友既訊息，被吸引左過去，好快完全唔記得左原本要搜尋既資訊。我地好易因為其好奇或新奇事，將注意力轉移左去第二度。
（圖片來源：網上圖片）
而BB喺吸收性心智（Absorbent Mind）時期，重複、耐煩、學習，都正是佢地最重要既學習歷程。但長期使用手機同平板，可能就會對紙張、慢速閱讀唔耐煩同注意力渙散，令佢地好早就唔習慣對睇重複訊息、學習。
有研究顯示，孩子在使用手機同平板既時候，大腦既思考頻率降低，只係被動吸收遊戲每個關卡同任務。而人學習的過程其中係要透過認知、短期記憶、練習同背誦進入長期記憶，但相比之下電子產品既聲光效果更加有趣味。依家小朋友既注意力渙散，對記憶、背誦更加容易唔耐煩、情緒化，亦冇辦法吸收同整理學習既訊息。
所以建議唔好比2歲既小朋友接觸呢類型既電子產品，返緊學既最好每日限制鐘數。而如果已經上癮，年紀愈細或者介入既時間愈早效果會愈好。家長應該同仔女傾下，再諗方法解決問題。
（圖片來源：網上圖片）
Comments