(網絡圖片)
小朋友上到小學、中學，同一大班同學相處，好容易就會遇到人際關係嘅問題。如果有一日，你個仔女眼濕濕咁同你講佢比同學仔講佢壞話，你會點做？你會同佢講「唔緊要，由得佢講囉」？定係你會直接講面對流言既大道理？其實，大人覺得唔緊要嘅事喺小朋友心目中可以係唔同講法，甚至係大過天嘅事。講佢壞話嘅同學可能係佢嘅朋友，而通常小朋友好重視友情，冇辦法唔在乎佢嘅說話；或者，個同學佢好唔鐘意，但日日返學都要見到，一定好影響佢嘅心情。
小朋友同你講呢件事通常係想表達感受，需要你明白同埋陪伴。所以應該先陪佢地面對自己嘅情緒，平伏心情之後再討論點樣面對流言。
緩和情緒
無論講壞話嘅人係邊個，小朋友面對人地講自己嘅流言蜚語，通常一係會嬲，會逃避唔想返學，會懷疑自己「點解我咁唔得人鐘意？」「唔通我真像好似佢地講差？」。要解決呢個問題，可以引導佢抒發自己情緒，聽佢嘅發泄、表示理解，又拍拍佢背脊、呵下佢，對小朋友黎講就係好好嘅安慰。
(網絡圖片)
分享人生經歷
佢情緒穩定落黎之後，如果自己有相同嘅人生經歷可以問下佢想不想聽，呢啲故事通常好吸引佢嘅注意，而且更加令佢覺得爸爸媽媽原來曾經都試過有一樣嘅經歷，亦會得到安慰；或者講下近期既趣事，稍為緩和氣氛。
(網絡圖片)
討論如何面對流言
雖然大人都不一定可以處理得好好，但一齊討論令佢可以思考下，由自己嘅經歷學習成長。最好小朋友可以自由發揮，自己決定對策。有2個方法可以參考，例如要小心散播流言嘅人，同埋花多啲時間喺對自己有用嘅事物上面。
流言之所以係流言，散播嘅人講出黎，再一傳十、十傳百，多左人聽到，就會當成事實。所以要同傳播嘅人保持距離之外，自己之後都注意唔好人地點講就跟住講，留意自己會唔會都成日講別人壞話。
(網絡圖片)
用多啲時間喺對自己有用嘅事物上面其實係轉移心情。如果事情唔係自己嘅錯，而試下澄清辯駁都係冇用，或者不如唔洗咁在意，專注做自己，留番啲時間喺值得嘅朋友身上；或者轉換下睇事情嘅角度，同學唔理直氣壯，唔當住自己面對面講，其實根本冇道理。
雖然都替仔女著緊，但唔馬上幫佢做決定。比佢由挫折中思考學習，加上默默支持、陪伴，反而可以令佢吸收更多養分，長出成長嘅翅膀。
Commentaires