美國醫學會係2019一項研究邀請咗1082對母子，測試媽媽嘅社會關係與孩子嘅發展會否造成影響，研究結果發現，當新手媽媽有一個強大嘅朋友網絡，作哋嘅孩子係認知測試中都有更好嘅表現。換言之，媽媽平時如果有係社交網站同人傾計，或身邊有3-4至個好姊妹，小朋友係認知測試中都能得到較高嘅分數。
研究人員Kaja LeWinn表示，擁有強大社交網絡嘅媽媽，通常都會搵到一個排解壓力嘅出口，例如同人傾談，都可以減低媽媽日常嘅負面情緒。Kaja LeWinn補充，如果媽媽感到孤獨，可以試試以下3個方法來建立自己嘅社交圈子：
1. 加入小組
呢個小組可以係社交網站上的媽媽Group，或者係社區內嘅聚會，例如教友聚會、鄰里聚會等，呢啲嘅小組同媽媽都會有共同嘅話題，比較容易成為朋友。
2. 社交網站
媽媽係社交網站可以好容易就搵到同自己志趣相投、同聲同氣的夥伴。不過亦要切記勿以一個比較嘅心態去對待呢啲「朋友」，否則容易弄巧反拙。
3. 多參與社區活動
媽媽應該多接觸社會，例如參加公益活動，或者興趣班，增值自己嘅同時，亦可以認識更多新朋友。
Comments