教育孩子4大黃金守則

1. 每天陪孩子

父母再忙都好，都要搵時間去陪伴小朋友，將所有嘅注意力都放係佢身上，唔好睇手機。可以比孩子話事，選擇佢想做嘅事，或只是傾吓計，咩都唔做都得，你和孩子可以輪流決定。除此之外，切記陪伴嘅目的，係與孩子建立連結。

2. 無論如何都要保持冷靜

不論係面對好差嘅考試成績、亂發脾氣嘅小鬼，或是唔肯好好食飯嘅孩子，父母都要務必保持冷靜。係開口之前，一定要克制住情緒，先冷靜，提醒自己深呼吸，或暫時離開現場，當你完全平靜之後，再回來面對。

3. 避免對峙

傳統教育中嘅父母，都認為自己係發號施令的一方，而孩子就應該係聽話、遵從嘅另一方，但現實並唔係咁。對峙永遠係雙輸嘅局面。如果孩子唔肚餓、唔想吃飯，應該比孩子自己選擇。

4. 唔好無啦啦罰孩子

孩子總會有耍賴哭泣、無理取鬧嘅時候。父母要分辨呢個情況係孩子表達不安、不知所措嘅一種方式，而唔好視為對你個人不滿嘅攻擊，更唔好因為咁而處罰孩子。俾多啲時間和機會孩子，同佢哋一齊討論生氣或傷心沮喪嘅原因，表現出同理心，教導佢哋正確面對與處理事情嘅方式。