初生嬰兒因為食道與胃功能未成熟，容易胃食道逆流。所以BB飲完奶都需要拍嗝，但點樣正確、安全幫新生兒拍嗝呢？媽媽亦可以根據實際情況選擇適合寶寶拍嗝嘅方法。
1、坐式：寶寶坐係媽媽腿上，要支撐着BB嘅胸部和頭部，可以用虎口位托住寶寶嘅下巴。另一隻手輕輕拍打寶寶嘅背部。
2、平躺式：讓寶寶趴低，胸前放枕頭、毛巾等，一隻手托住寶寶嘅胸部和頭部，同樣輕拍寶寶嘅背。
3、直立式：媽媽可以抱寶寶直立於胸前，輕拍寶寶背部，幫助BB打嗝。就算BB飲奶飲到瞓著，媽咪都要抱著寶寶幫佢輕輕拍嗝。通常拍 5~10 分鐘寶寶就會打嗝囉！
點樣判斷孩子係咪需要拍嗝？
1、寶寶唔願飲奶，扭嚟扭嚟去，飲少少又吐返出來。
2、飲完奶望到BB好似唔舒服，表情較痛苦。
出現以上情況，媽媽可以試下幫寶寶拍嗝，排完氣之後，孩子可能會繼續安靜飲奶。
拍嗝注意事項
－BB嘅脊柱發育仲未成熟，所以一定要托好佢嘅頸部和背部。媽媽可以係自己嘅肩膀墊一塊口水巾，防止吐奶。
－注意拍嗝嘅手勢，把手弓起來，手掌係空心，控制好力道，輕輕拍就可以，拍嘅部位係寶寶背嘅上半部。
Comments