的確生仔後，夫妻感情或多或少都會變淡，但並唔代表感情變差... 不過生仔後，夫妻感情的確面對住一個考驗，由兩人行變成三人行，生活、想法或許會改變，夫妻如何一起「過關」？
如何在寶寶來到後讓婚姻繼續成長
第一步係下決心：「我們要揾到一個辦法讓我哋養育孩子，同時婚姻繼續成長」。 夫妻雙方都要做出決定，經過討論後達到意見一致。千萬唔好忽視呢個動作，要將你哋共同嘅決定化作言語講畀對方聽，然後用一個擁抱及一個親吻蓋印。現在你哋已經有共識，要朝着同一方向前進，且有達致成功嘅意志力，兩夫妻一條心。
生活需要刻意的儀式感
兩個人可能都有工作，又要投入教養兒女，你會發現留畀彼此嘅時間越來越少，再唔似以前般多說話，亦唔似以前般充滿愛意。有時我哋會唔小心說話刻薄，將生活嘅挫折發洩喺對方身上。因為日復日的繁忙生活慢慢讓夫妻由生活變成生存，夫妻每天只是過日子，吃飯、賺錢，為了讓生活延續下去而活。
如果兩人之間無熱情無浪漫，就唔會有感動。每次生日或節日都怨嘆老公不花心思，生活毫無生氣，感情就慢慢變淡。儀式感唔一定要花好多錢，可以係去買餸時，順手買一支百合。晚上待孩子熟睡後，倒杯紅酒，同對方享受短暫而又寶貴的「二人世界」。仲記得拍拖時，你為對方準備嘅情人節禮物、生日時親手整嘅蛋糕嗎？就係嗰種感覺。你哋更可以一齊去學滑板，牽著手去迪士尼玩，唔好用「老夫老妻」4個字奪去婚姻中嘅熱情及浪漫。
愛情若能一直燃燒，婚姻就唔會變冷。
要有身體接觸
要有一些小小嘅碰觸：輕擁、輕吻一下，拖一下手提醒彼此互相珍惜，對於主要愛語係肢體接觸嘅伴侶，就格外有意義。性關係嘅親密係一種肢體接觸語言，但並非所有嘅撫觸都為咗上床，健康嘅性生活可以令夫妻情感更親密，不過無性暗示嘅撫觸，對於健康婚姻嘅成長都一樣重要。
二人世界
好多夫妻會諗：「BB出世後，我哋就無可能週末兩個人出街。」你要知道所謂嘅二人世界的確會變得好少機會，但並唔係無，只係在乎你哋嘅安排，好多時係父母對孩子放唔到手，以至夫妻失去二人世界嘅機會。孩子漸漸長大後，你可以揾人幫忙照顧一下，好讓你哋偷得浮生半日閒，就算只係揾間舒適嘅酒店住一晚，又或者讓父母照顧孩子半日，夫妻共進一餐浪漫嘅晚餐，都能為你哋嘅婚姻帶來奇效。
保持學習的心
婚姻係一輩子的事，唔好以為你哋已經抵達終點，要保持敞開嘅心繼續學習，要能夠活到老學到老。我鼓勵夫妻一生練習兩件事：
（1）每年閱讀一本婚姻嘅書並討論。讀完一章後就互相問：「呢一章學到咩？」 （2）每個月抽一日夫妻間未做過嘅事，一齊經驗同探索新事物，投其所好。
婚姻的氧氣－溝通
談話及聆聽看似好簡單，溝通猶如氧氣，可保婚姻活力。知道對方想法、感受，就能夠幫助對方、鼓勵對方。「每日分享時間」，你哋要抽時間坐低聆聽彼此說話，可能只有十五分鐘，但至少你們每一天都互相了解最新情況。畢竟婚姻嘅意義係：夫妻互相幫助對方發揮潛。