瞓覺喺生活中喺一件好重要嘅事，你有冇留意平時同老公或老婆喺用邊種睡姿瞓覺嘅呢？心理學家 Corrine Sweet 曾進行一項睡姿與夫妻關係嘅研究，原來每種睡姿都可以反映到你哋嘅感情關係。即刻睇吓你哋係邊一種！
1. 背對背：關係親密、具安全感
雖然背對著伴侶瞓教，讓彼此之間有啲空間，感覺上唔浪漫，但呢項研究表示呢種係最常見嘅睡姿，有28%嘅受訪者指佢哋一般都會背對背睡。研究人員指，咁樣瞓嘅夫妻之間關係親密，而且有足夠嘅安全感，雙方獨立得嚟關係都幾好。
( 圖片來源： 網上圖片）
延伸閱讀：
2. 從背後環抱：渴望保護對方
其中一方喺背後抱著另一人都係夫妻常見姿勢，研究中有18％嘅夫婦話佢哋會咁樣瞓。專家稱，呢個姿勢說明了其中一方渴望保護另一方，但要記著要多啲信任對方。
3. 背貼背：自在關係
有時喺睡覺時，雖然背住對方，但卻忍不住要貼近他們，例如碰著屁股。研究結果發現，背貼背喺第2個最受歡迎嘅姿勢，即代表伴侶兩個人都好放鬆，彼此都過得好自在，通常喺啱啱發展嘅戀愛關係較為常見。
4. 先抱緊後分開：既親密又有空間
用呢個睡姿嘅夫婦喺開始瞓覺時交纏係埋一齊，彼此抱著對方，大約10分鐘之後分開。 研究指有8%嘅夫妻咁樣瞓，代表親密感和獨立性一同存在，雖然非常親近，但同時都會俾返一啲空間俾對方，令關係愈來愈穩定。
延伸閱讀：
( 圖片來源： 網上圖片）
5. 床被佔據：雙方有鬥爭
如果喺深夜醒來時，其中一人縮喺床邊或角落，而另一人則像海星一樣大字型瞓喺床上，則可能代表雙方有鬥爭，好多事都由單方面主導著，而另一個人嘅角色則較不重要。
6. 瞓喺胸前：關係親密
通常由男方抱著女方瞓覺，而女方瞓喺男方嘅胸前，一般在蜜月期出現，只有4％嘅夫妻選擇咁樣睡覺。咁樣代表兩人關係十分親密，雙方互相信任。如果一齊好多年嘅夫妻依然抱著睡，即是關係非常良好，無論遇到點樣嘅難題，都會一齊面對。
( 圖片來源： 網上圖片）
7. 緊緊糾纏入睡：缺乏獨立性
如果同伴侶兩人都互相抱著對方，連雙腳都係纏繞著一齊瞓睡就要留意了！一方面咁樣瞓會影響睡眠質素，另一方面亦可能代表跟伴侶雙方缺乏獨立性，過度互相倚賴，一旦對方唔係身邊就難以入睡了。
延伸閱讀：
8. 面對面睡：情感需求大
面對著伴侶，伴侶又面對著自己，但兩人無碰著睡，這可能表示雙方的情感需求很大。專家指呢種姿勢代表雙方需要深入和密切嘅溝通。即使在睡覺時，大家也會互相向對方要求更多。如果兩人多溝通，應該會比預期更快看到關係得以改善。
( 圖片來源： 網上圖片）
Kommentare