瞓覺對小朋友好重要，如果小朋友瞓得好，作息穩定，問題自然就會少好多。為咗孩子嘅身心健康，瞓覺前唔好對孩子做以下5件事，保證小朋友可以有充足嘅睡眠。
1. 瞓覺前唔好食嘢
好多小朋友瞓覺之前有食嘢嘅習慣，內分泌專家指出，寶寶瞓覺前食嘢，食物消化會增加消化液，延長胃腸蠕動時間，難以保證儘快進入深度睡眠，影響到夜間生長激素嘅分泌，從而會影響孩子發育。此外，睡前食得太飽，仲未完全消化就去瞓覺，容易引起食物倒流。因此，孩子啱啱食完午飯最好唔好即刻瞓晏覺，晚上瞓覺前都最好唔好食嘢。
2.唔好飲太多水
孩子臨瞓前飲太多水要去夜尿，造成孩子睡眠質素差。有啲孩子有瞓覺前飲牛奶嘅習慣，為咗避免孩子要去夜尿，最好提前飲奶，飲奶之後最好用清水漱口，因為奶漬殘留容易產生蛀牙。
3.唔好食鈣片或維他命
有啲家長會係孩子臨瞓前俾佢哋食鈣片或維他命，但係臨瞓前會增加腸胃不必要嘅負擔，從而導致無法好好休息。
4.唔好玩太激烈嘅遊戲
孩子臨瞓前唔好玩得過度興奮，或者讓孩子太疲勞，孩子會因為興奮、易怒、急躁而難以入睡。因此，喺孩子臨瞓前，唔好同孩子玩太激烈嘅遊戲，可以選擇砌圖、講故事等比較温和嘅親子活動。
5.唔好睇刺激嘅電視節目
臨瞓前睇過於刺激嘅電視節目，容易令孩子大腦過於興奮，導致孩子難以入睡，而且會令孩子發夢，第二天起床好容易會唔夠精神。
Comments