（圖片來源：網上圖片）
一項由英國劍橋大學負責嘅研究「Mothers’ and babies’ brains ‘more in tune’ when mother is happy」用一種稱為雙腦電圖（EEG）嘅方法，觀察媽媽同埋嬰兒互動時嘅大腦信號。通過網絡分析人際神經連接嘅質量和結構，研究人員可以從中了解每個大腦嘅電波係點樣流動，同時亦可找出2個大腦如何連接成一個網絡一齊運作！
結果發現，媽媽和嬰兒係互動時，佢哋嘅腦電波會變得同步，呢種現象被稱為人際神經連接 （interpersonal neural connectivity）。當媽媽和寶寶係正面、積極嘅情緒下交流，兩者的大腦相連得更為緊密。而研究同時發現，積極的互動以及大量的眼神交流，分別增強了母腦和嬰兒大腦系統嘅運作能力，有助促進母嬰之間信息共享與交流。
負責呢項研究的劍橋大學心理學系博士梁詠琪指，從以前嘅研究工作中，佢哋可以得知，母親和嬰兒之間的神經牢固嘅聯繫時，代表嬰兒準備樂向母親學習，同時亦會更容易吸收。
（圖片來源：網上圖片）
通過親子互動，父母可以更好地跟孩子建立關係，並增強嬰兒嘅心理能力。
（圖片來源：網上圖片）
另外，研究結果亦顯示，當媽媽嘅情緒維持低落時，兩者之間的神經連接較弱，導致寶寶學習嘅能力或較低。原因是當媽媽嘅情感較為負面、持續抑鬱時，跟孩子的互動較少，加上語氣亦較為平淡，眼神交流亦少很多，當寶寶嘗試引起媽媽注意時，媽媽亦因精神或其他因素，未能作出較大的反應。
梁詠琪博士續稱，情緒改變咗大腦與他人共享信息嘅方式，積極嘅情緒可以幫助我哋以更加有效嘅方式進行交流，所以抑鬱症會導致父母與嬰兒建立聯繫產生很強大嘅負面影響。
爸爸媽媽跟孩子相處時要注意情緒，如果真係太消極，不妨待心情有好轉先同寶寶交流吧！