澳洲格里菲斯大學（Griffith University）有研究指出，愈早比小朋友去學游水，可以為佢哋建立數學基礎，數感會比同齡嘅孩子領先發展高達6至15個月，而呢項運動更加有助促進佢哋嘅智力和情緒發展。研究邀請近2,000名家長參與，透過比較佢哋子女嘅學習表現而發現游泳孩子嘅認知水平，尤其係解決數學問題方面會有更好嘅發展，並展現出較強嘅數感。研究結果顯示，超過8成在3歲學會游水嘅幼兒，都能夠提早掌握4歲孩子所需要學識嘅技能，特別係數理方面嘅學習。
而研究亦嘗試歸納，愈早接觸游水有助兒童發展嘅兩大主因。第1個原因係，小朋友接觸數字嘅機會較多。由於幼兒學習游水時會進行大量嘅閉氣和踢腿練習，而教練會不時用數字計算動作次數，久而久之小朋友對數數字及計數擁有更好嘅概念。而第2個原因係游水可以促進幼兒的大腦及神經系統發育，激發小朋友嘅潛能，所以有助提升佢哋嘅學習能力。
首席研究員Robyn Jorgensen教授表示：「雖然我哋起初期望孩子會係身體發育方面有更好嘅發展表現，或者游泳可能會令佢哋更有自信心。但認字、算術嘅結果讓我哋震驚。」
Comments