英國牛津大學一項研究「Grandparents contribute to children's wellbeing」，對超過1,500個兒童進行調查。結果發現，祖父母嘅陪伴與幫忙，對孩子嘅成長原來相當重要。與祖父母關係較緊密嘅孩子，喺情感上和行為上遇到問題嘅機會較少。
除此之外，貼祖父祖母相處時間較多嘅小朋友，喺人際關係方面亦有好嘅影響，喺與同伴互動和維持關係時，佢哋遇到阻礙和困難嘅機率較小。研究亦同時發現，祖母一般承擔著撫養嘅角色，而祖父係孫子嘅良師益友。
成長過程中跟著祖父祖母，除咗擁有非常美好的回憶外，更可令孩子長大後擁有更多安全感，而且亦令佢哋更為快樂。
祖父祖母作為陪伴孩子成長嘅其中一個角色，有時比其他人更重要，佢哋在幫助孩子應對有壓力時，如受欺凌或父母離婚等情況，分俾孩子嘅愛與關懷無可取替。
阿媽唔一定要幫手湊孫 感激婆婆嘅3件事
1. 人肉育兒百科全書
由懷孕開始到BB出世，媽媽嘅育兒問題天天都多。除咗上網搵資料，最快捷嘅方法就係問婆婆！「BB 成日嘔奶點算好」、「BB半夜喊係咪唔舒服」婆婆都係咁湊大媽媽，經驗豐富，一個電話，婆婆即時解答到媽媽嘅問題。
2. 落手落腳湊BB
其實婆婆唔一定要幫手湊BB，佢可以選擇退休輕鬆下，或者繼續做佢鍾意嘅嘢，但佢想減輕個女嘅負擔，唔想見到佢湊BB咁辛苦。媽媽湊BB都覺得攰，何況婆婆上咗年紀，體能冇咁好，要珍惜肯幫手湊孫嘅婆婆。
3. 理想傾訴對象
媽媽由人妻變成人母，要適應呢個轉變之餘，湊BB又遇到唔少難題，心底裡積埋唔少委屈，婆婆絕對係一個好好嘅傾訴對象。佢了解媽媽嘅性格同狀況，而且可以用過來人嘅身份畀到意見媽媽。
Comments