管理孩子情緒的 DOS / DON'TS

情緒人人都有，除咗大人其實小孩都好有情緒。孩子嘅情緒由初生時期就已開始發展，父母可以隨佢哋嘅年齡提供不同嘅引導。先讓嬰幼兒學習辨識情緒，到兩歲以上逐漸學習表達感受，約四歲開始學習控制情緒。正如一開始所講，情緒人人都有，當小孩出現情緒失控時，父母應該怎樣幫助孩子學習控制情緒？

針對孩子情緒的 dos及don'ts，專家們提供了幾點建議：

Dos

耐心傾聽

傾聽係了解嘅開始，而了解係溝通基礎。當孩子尋求幫助時，父母應放下手邊嘅事，全心全意聽孩子嘅說話。

六秒暫停鍵

父母都係凡人，亦難免會因為孩子不聽話，忍唔住動怒責罵，衝口而出講出具永久傷害性嘅說話，例如：「你咁蠢，人哋個個都叻過你」、「我好憎你咁....」等。「六秒鐘EQ組織」總監喬許．費里曼（Joshua Freedman）認為，父母一旦察覺自己情緒即將失控時，應心數六秒，按下心中嘅「暫停鍵」。「六秒暫停」能讓父母重拾情緒管理嘅能力。

對事不對人

孩子們往往會錯，如：打瀉飯碗，亂掉玩具，做錯答案，不識寫字等。慢慢種種嘅錯誤會被父母無限放大，呢個時候失去任何理性分析及理性對待，只有憤怒及責備。孩子犯錯後，最好嘅做法就係同孩子一齊做補救工作，碗打瀉咗，就清理；字唔識寫，就查找正確嘅寫法。父母首先要將目光放於事件本身，千萬唔好講：「你又唔倒瀉嘢？」等。

「無錯…可是」（Yes…but）語法

每個人都希望自己意見受到尊重，當大人斷然否定孩子想法時，孩子當然感到憤怒。「EQ Japan」社長高山直分析，父母可使用「沒錯...可是」語法，先尊重孩子想法、拉近距離，再表達不同觀點。

Don'ts 

冗長說教

面對孩子鬧情緒嘅狀況，父母應選擇最簡單嘅方式，唔應該以打罵或用一連串道理說教，過於冗長嘅陳述常流於說教，令孩子失去注意焦點。可以嘗試運用獎勵計劃有系統地鼓勵孩子學習好行為，鼓勵孩子定下短期目標，並一同實現。

負面語彙

有啲父母常唔小心將焦點放喺糾正孩子嘅缺點上，常常使用負面語彙，孩子就愈容易啟動防衛機制，例如：一見到父母就緊張、抗拒，甚至產生敵意。過多負面語彙扼殺孩子嘅自尊心及安全感，因此父母應該做好情緒管理，以免孩子有樣學樣。

冷淡的語氣

和孩子對話過程中，如果父母老是一副愛理不理態度、口氣冷淡，都會使孩子感到失望、不受重視。

對錯輸贏之爭

面對親子衝突時，好多父母總係先想到「誰對誰錯」、「誰輸誰贏」嘅問題，最後演變成意氣之爭，導致親子相互拒絕、彼此傷害。父母應放下權威，給予子女發言嘅權利，由對方出發點去諗，並尊重彼此需求嘅前提下，共同揾出解決辦法。