小朋友鐘意食甜野，但係食得多糖果冇益，家長可能就比水果乾佢地食，感覺比較天然、健康。但最近消委會測試左31款預先包裝水果乾，全部樣本都屬「高糖」食物，而14份樣本含有至少3種除害劑，當中4款檢出10種或以上除害劑，混合使用除害劑仲可能產生「雞尾酒效應」嘅加乘效果，影響健康。
消委會測試6類水果乾（包括杏脯、藍莓、小紅莓、芒果、提子同士多啤梨）每100克嘅平均糖分，並中提子乾嘅糖含量最高，達57.4克，杏脯的平均糖含量最低，但都超過左15克糖嘅標準水平。
（消委會圖片）
喺提子乾及藍莓乾樣本當中，最多含有11種除害劑：
而營養素喺水果乾嘅製造過程中可能會有流失。消委會研究及試驗小組主席譚鳳儀表示，水果乾比新鮮水果糖份高，營養元素低，所以建議消費者盡量進食新鮮水果；如果要進食水果乾，盡量以小包裝為主，同埋唔好集中進食同一款水果乾。消委會總幹事黃鳯嫺就建議唔好選購有附加糖份嘅水果乾。
其實水果乾都係比較健康嘅零食，因為佢保留水果嘅營養素，好似膳食纖維、礦物質和多酚。唔計維生素C，呢幾種營養素比較耐熱，喺高溫下都可以保留。
所以如果想食水果乾，揀安全、糖含量較低嘅產品而唔好進食過多其實係可以嘅。小食份量可以參考衛生署《學生小食營養指引》，嘅1湯匙提子乾或4件杏脯。大家可以參考埋以下總評獲5星嘅水果乾去挑選：
有時真係唔方便攜帶新鮮水果，小朋友又口痕，水果乾真係唔錯嘅選擇。但揀個陣要特別留意成分、糖含量，甚至可以自製水果乾，咁就可以食得更健康啦！當然，水果乾係唔可以代替水果，小朋友要繼續每日食新鮮水果啊！
Comments